Së pari dua të them se çfarë është në të vërtetë një investues i tillë: Janë ata individë shumë të pasur, që investojnë një pjesë të madhe të kapitalit për çeljen e një firme aksionare apo për kapitalin e rrezikut (venture capital - pra kur nuk ka shumë garanci që ata të kenë një fitim nga ky investim), duke marrë në këmbim një pjesë të mirë (përkatëse) të fitimit apo edhe pjesë/përqindje pronësie.<br /><br />Problemi me këtë term është se në të vërtetë nuk përdoret ende në Shqipëri në të njëjtën mënyrë si në SHBA e gjetkë. Unë ndaj diskutova me krijuesin e këtij termi në forum, pasi thelbi i diskutimit tim me të ishte që jo çdo term apo çdo fjalë që përdoret në SHBA gjen vend e zbatim në Shqipëri. Por kjo jo sepse ne në Shqipëri nuk kemi investues të tillë, thjesht disa terma ashtu siç përdoren në një vend nuk gjenden tek ne dhe përkthimi mund të gjendet në vështirësi për shkak të realitetit ekonomik. Nejse, ky është thelbi i këtij termi, sipas Fjalorit Enciklopedik të Bankës, Biznesit, Bursës dhe Ekonomisë dhe sipas përkthimeve të mia.